فكرة جت في بالي فحبيت أطرحها ليكوا و أتمنى مشاركاتكم..
أكيد كل حد مننا له حلم راسمه على المدى البعيد .. ساعات يعد يتخيله كده و أحيانا يمر على باله سريعا فحبيت لو نشارك بعض الأمل في تحقيق أحلامنا
و بدعي ربنا من كل قلبي إنه يحقق لنا أحلامنا و نشفوها حقيقية إن شاء الله
مم
تيجوا نبدأ..
أوكيه هأبدا أنا...لو تسمحولي.. :)
شخصيا بحلم كتير
و من الحاجات اللي بحلم إنها تحقق
إني أعمل قناة فضائية و اسميها " بسمة " تكون كل حاجة فيها بترسم البسمة على وجه على من يشاهدها .. وبتخخف أي ألم أو حزن من قلوبهم .. وبتمسح أي دمعة حزن لحيث الا عودة
بأي شكل بقى بتخيل لو يكون من برامجها مثلا برنامج يروح للمناطق الحلوة الخلابة الجميلة و يعرض أحلى المشاهد .. وأروع ما خلق الله.
- كمان بتخيل إني أعمل نادي رياض ..لكن كرة قدم بس ..
بس هتبقى مختلفة عن الأندية العادية .. لاعبيتها ممكن ما يكونوش لعبوا كرة قدم قبل كده .. لكن اختياراهم هيبقى بناء على اللياقة البدنية مثلا ممكن تعمل مسابقة وأكثر 30 لاعب هما دول اللي هيشكلوا الفريق .. وبعدها هيتم تدربيهم مش على كرة القدم لكن تدريب يخليهم عنهم قدرة عالية جد ا على التحكم في الأطراف و تحريكها فيما يشببه ممثلي الكونغفو السنيمائيين ! ..
و سرعة عالية في الحركة
في النهاية يتم تمرنيهم على التحكم بالكرة و مقاييسها
ليكون شكل اللعب في النهاية عرض بارع ..لا مثيل له يرسم البسمة على وجه المتفرجين و يضيئ أعينهم ببريق الإسمتاع..
- كمان بتخيل إني أخدت براءة إختراع في حاجة كده بتخيلها ههههه !
حقيقي..
ممم.. شخصيا عندي قناعة غريبة .. إنه حاجات كتير في الإنسان ممكن تكون بصمة ليه
اللي في بالي رسم القلب الدقيق لكل إنسان صحيح هو بيختلف من وقت الراحة لو قت التعب لوقت النشاط لكن في تخيلي إنه دايما في شيء مشترك في كل ثانية بيتقاس فيها رسم القلب .. لو ده كان صح يبقى ممكن ببصمة نبضات القلب للشخص و اللي ممكن نعرفها عن طريق مجسات تلقطها من على بعد نقدر نحدد هوية الشخص دون ما نحتاج نسمع صوته أو ناخد بصمة عينه أو صابعه .... يعني ممكن مش تبقى مفيدة أوي بس الله أعلم ممكن يبقى ليها تطبيقات تانية
و كمان حاجة كده خاصة بالبصمة برده.. معلش ..ههههه ..
و دي بقى أقوى كثير و أفيد... أعتقد إن للحوصلات الهوائية alveoli في الرئتين تأثير على تشكيل جزيئات الهواء الخارجة من الجهاز التنفسي للإنسان و التأثير ده بيختلف من شخص لشخص و بالتالي يكون بصمة ليه ..
ساعتها من خلال تحليل جزيئات الهواء الموجودة في غرفة بها إتنين هنلاقي إن حوالي يعني مثلا 48% خاص بالشخص الأول و 48 % للشخص الثاني و 4% أشخاص كانو موجودين من شوية و من خلال نسبة كل شخص ممكن نحدد كان موجود من إمتة .. و بطرق متقدمة شوية ممكن نحدد كان هنا لمدة أد إيه.!
:)
هههههه الله أعلم يمكن تتحقق حاجة زي كده و يمكن الحاجت التانية كمان إن شاء الله تتحقق
و في حاجة هيا مش حلم بعيد لكنها يعني هدف عل المستوى القريب إن شاء الله تشوفوها علطول من غير ما أقولها :)
في أمان الله و أتمنى مشاركة حضراتكم ..
:)
الخميس سبتمبر 10, 2009 5:33 am