أفيد الاسلام بايه ؟

جزاكم الله خيرا كثيرا أسامة والدكتورة
وبارك فيكم ونفع بكم أمة الاسلام


الحديث الرابع

أبي عبد الرحمن عبد الله بن مسعود رضي الله عنه قال: حدّثنا رسول الله صلى الله عليه وسلم وهو الصّادق المصدوق :"إنّ أحدكم يجمع خلقه في بطن أمه أربعين يوما نطفة، ثم يكون علقة مثل ذلك، ثم يكون مضغة مثل ذلك، ثم يرسل الملك فينفخ فيه الروح ويؤمر بأربع كلمات بكتب رزقه وأجله وعمله وشقي أم سعيد، فوالذي لا إله غيره إنّ أحدكم ليعمل بعمل أهل الجنة حتى ما يكون بينه وبينها إلا ذراع فيسبق عليه الكتاب فيعمل بعمل أهل النّار فيدخلها، وإنّ أحدكم ليعمل بعمل أهل النار حتى ما يكون بينه وبينها إلا ذراع فيسبق عليه الكتاب فيعمل بعمل أهل الجنة فيدخلها" رواه البخاريّ ومسلم


يلا يا دكاترة حد يبدأ بالتعليق .....

اممممممممممممممممم
خير يا دكاترة محدش علق ؟؟؟؟؟؟!!!!!!!!!!
طيب اسمحولى أنى أعلق .....

الحديث يا دكاترة بيتكلم على التقدير العمرى للانسان ،
واتكلم عن مراحل خلق الانسان .... لتعميق ادراكنا وتصورنا
لحقائق الموت والحياة ، والهداية والغواية ، وغيرها من الأمور الغيبية ......
فيتولد فى قلب الانسان الخوف من سوء العاقبة
والحذر من الاستهانة بالذنوب والمعاصى

اللهم اغفر لنا ذنوبنا واسرافنا فى أمرنا
وارزقنا رضاك والجنة
اللهم ارزقنا حسن الخاتمة

السلام عليكم
ازيكوا يا دكاترة ؟
يارب تكونوا بخير وعلى أحسن حال
ياريت يا دكاترة بس لو فيه أى مشكلة فى فهم أى حديث أو أى حاجة
ياريت تعرفونا يا دكاترة وربنا يقدرنا على فعل الخير



الحديث الخامس

أمّ المؤمنين أمّ عبد الله عائشة رضي الله عنها قالت: قال رسول الله صلى الله عليه وسلم: "من أحدث في أمرنا هذا ما ليس منه فهو رد" رواه البخاري ومسلم. وفي رواية لمسلم: "من عمل عملا ليس عليه أمرنا فهو ردّ".


حد يبدأ بالتعليق يا دكاترة ......

الحديث يدعونا الي اتباع الوحي والالتزام بما اوحى به الله ويحذر من اتباع الاهواء والضلالات و يدعو الى الالتزام بما ورد في كتاب الله وسنه نبيه وعدم الخروج عنها حتى لا ترد اعمالنا ولا تبطل

جزاكم الله خيرا كثيرا يا دكاترة
وشكرا على المتابعة
وفقنا الله جميعا لكل ما يحبه ويرضاه

السلام عليكم ورحمة الله وبركاته
ازيكوا يا دكاترة ؟؟؟
يارب تكونوا بخير وعلى أحسن حال
طبعا لن أزيد على ما علق به حبيب قلبى أسامة ( بارك الله فيك )
والدكتورة ( جزاها الله خيرا كثيرا )


الحديث السادس

عَنْ أَبِيْ عَبْدِ اللهِ النُّعْمَانِ بْنِ بِشِيْر رضي الله عنهما قَالَ: سَمِعْتُ رَسُوْلَ اللهِ صلى الله عليه وسلم يَقُوْلُ: (إِنَّ الحَلالَ بَيِّنٌ وَإِنَّ الحَرَامَ بَيِّنٌ وَبَيْنَهُمَا أُمُوْرٌ مُشْتَبِهَات لاَ يَعْلَمُهُنَّ كَثِيْرٌ مِنَ النَّاس،ِ فَمَنِ اتَّقَى الشُّبُهَاتِ فَقَدِ اسْتَبْرأَ لِدِيْنِهِ وعِرْضِه، وَمَنْ وَقَعَ فِي الشُّبُهَاتِ وَقَعَ فِي الحَرَامِ كَالرَّاعِي يَرْعَى حَوْلَ الحِمَى يُوشِكُ أَنْ يَقَعَ فِيْهِ. أَلا وَإِنَّ لِكُلِّ مَلِكٍ حِمَىً . أَلا وَإِنَّ حِمَى اللهِ مَحَارِمُهُ، أَلا وإِنَّ فِي الجَسَدِ مُضْغَةً إِذَا صَلَحَتْ صَلَحَ الجَسَدُ كُلُّهُ وإذَا فَسَدَت فَسَدَ الجَسَدُ كُلُّهُ أَلا وَهيَ القَلْبُ) [66]رواه البخاري ومسلم


اتفضلوا يا دكاترة ....

السلام عليكم ورحمة الله وبركاته
اسمحولى يا دكاترة بالبداية ....

الحديث ده قسملنا الأحكام إلى 3 أحكام :
1- حلال يعرفه كل الناس ... زى البر
2- حرام يعرفه كل الناس ... زى الكذب والسرقة
3- مشتبه لا يعرف إذا كان حلال أو حرام
والاشتباه ده بيبقى فى حاجتين :
- اشتباه فى الدليل
- اشتبا فى انطباق الدليل ع المسألة

اشتباه فى الدليل :
هل صحّ عن النبي صلى الله عليه وسلم أم لم يصحّ؟

اشتباه فى انطباق الدليل ع المسألة :
هل ينطبق هذا الحديث على هذه المسألة بعينها أو لا ينطبق؟

والأخيرة هذه يقع فيها الكثير .......

""" وَمَنْ وَقَعَ فِي الشُّبُهَاتِ وَقَعَ فِي الحَرَامِ كَالرَّاعِي يَرْعَى حَوْلَ الحِمَى يُوشِكُ أَنْ يَقَعَ فِيْهِ """

يا دكاترة لو الغنم مثلا لقت الأرض مخضرة وفيها زرع أخضر كثير
الراعى مش هيقدر يمنعهم من الدخول فيها
والمشتبهات برضه لو حام الانسان حولها مش هيقدر يمنع نفسه من الوقوع فيها

: : : :

إن القلب إذا أمر الجوارح أطاعته
وبالتالى فإذا صلح القلب ... صلح الجسد كله
وإذا فسد القلب ... فسد الجسد كله


أتمنى أكون قدرت أوصل أى حاجة تفيد يا دكاترة


جعلنا الله جميعا ممن تصلح أجسادهم وأعمالهم
ويرافقون الحبيب المصطفى فى الفرودوس الأعلى



آسف ع الإطالة

أى تعليق تانى يا دكاترة .....


دمتم فى رعاية الله وأمنه

السلام عليكم ورحمة الله وبركاته

شكرا لجهودكم ربنا يتقبل منكم و يبارك فيكم

بالنسة للحديث الأخير

صراحة أول ما سمعته زمان لمس جوايا حاجة انتبه إلها مؤخرا

هيا إنه كل إنسان عارف كويس أوي الحاجة اللي هو بيعملها دي حلال و لا حرام ، ترضي ربنا ولا مش ترضي ربنا والعياذ بالله
حتى لو مقرأش حديث أو حضر دروس أو درس شريعة أو فقه ، حتى لو كان بعيد تماما عن الإلتزام و الإسلام ، حتى لو ماكنش مسلم حتى و لم يقرأ القرآن ، حتى حتى لو ما سمعش عن الإسلام و كان في أرض و عالم بعيد
مش الإنسان و بس ، ده كل الكائنات ربنا جعل فيها شيء يقدر يميز الحلال من الحرام والصح من الغلط لكن الكائنات دي بتعمل اللي بيرضي ربنا و بس دون إختيار مخلوقة و مفطورة عليه

لكن الإنسان حمل الأمانة و أعطاه الله القدرة على الإختيار ، مش بين الأفعال ، بين اللي يرضي ربنا واللي مش يرضي ربنا ويغضبه و العياذ بالله

و ربنا أودع في قلب الإنسان حاجة كده زي البوصلة لها دة شديدة في معرفة إلى أي مدى الفعل ده حلال و يرضي ربنا و لا سلبي و العياذ بالله مش يرضي ربنا ويغضبه
والإنسان الكويس أوي وقريب لربنا مؤشر البوصلة - سبحان الله - كده زي مايكون بينه و بين الجانب السلبي زي تنافر كده من كتر ما اعد على الجانب الإيجابي ... و أحيانا ممكن يبحرف المؤشر ده للسلبي سنة فيفوق الإنسان ويرجع يتوب لله عز وجل ف يرجع المؤشر للإيجابي بنفس القدر فتتبدل السيئة حسنة

والإنسان الي أقل منه شوية مؤشر البوصلة بتاعة بيبقى متردد شوية كده و شوية كده .. شوية يبقى قريب من ربنا و شوية يبقى مش قريب و في النهاية ربنا يهديه أو لا يهديه

و الإنسان الأخير و العياذ بالله
مؤشر البوصله عنده دايما في الشِمال و يعني للأسف خلاص اتعود عليه و صعب إنه يرجع زي برده و كأن بينه و بين التاني تنافر لكن باب التوبة بيفضل مفتوح ليه وربنا هيفرح بيه أوي.. لو رجعله وهيعفو عن سيئاته كلها و يخليها كلها حسنات :)

و بالنسبة للشبهات دي بتكون حاجات المؤشر فيها متررد بين الحرام شوية والحلال شوية فالأحسن لينا إن نسيبها و نبعد عنها.. وكأن ربنا سبحانه و تعالى بيعلمنا إأد إيه نغطمه سبحانه وتعالى و نحترم حرماته

و بالنسبة لفتاوى العلماء الأجلاء فليست هيا التي تحدد لنا هل ما سنفعله حرام و حلال .. فكل إنسان له ظروف و وضع يختلف عن أي إنسان آخر بالظيط زي البصمة ، لكن الفتوى التي تصدر في منطقة أو دولة لتجمع يعني الناس على حاجة .. تعالو نتفق على إنه ده حلال و إن ده حلال .... لأنه عشان ده الفعل يعني أصبح الأغلبية الساحفة اللي بتعمله بالشكل الحرام فعشان نحد من ده ف بمنعه تماما و عشان كده بتكون الفتوى

معلش.. أخر حاجة إنه ربنا سبحانه و تعالى عندما يقف الإنسان للحساب أمامه يحاسبه على كده .. على قلبه مش هيسأله إطلاقاً على أدلته و قول العالم فلان و رد العالم الآخر عليه و مدى موقف الحديث من الصحة ، بل الإنسان على نفسه بصيرة ولو ألقى معاذيره

و أقوال العلماء ودراستها و الإعتكاف على البحث فيها و النيل من فيضها شيء أقدره و أحبه كثيرا لكن ليس هذا الذي يحاسبنا الله بناء عليه أو يعني بناء على مدى إستنادنا عليه فيما أفعالنا.



معلش أنا آسفة أوي إني طولت .. لكن كلمات كانت متعلف بالحديث الكريم

بارك الله فيكم و نفع بكم وانار بكم الدنيا . وهدى بكم
آمين با الله.

بداية د \ عاشق مش تقلق رمضان كويس الحمد لله ......أنا كلمته وكان كويس و مش باين أي حاجة إنه لا قدر الله فيه حاجة... ما تقلقش

بالنسبة للحديث...

حديث حلو أوي كلماته القليقة بتكون زي شعاع ينفذ للقلوب...

النصح في اللغة العربية .. أن يكون الشيئ خال تماما من كل شيئ يشوبه .. مثل أن نقول ناصح البياض
وربنا بيقول في القرآن : " ياأيها الذين آمنوا توبوا إلى الله توبة نصوحاً "

ففي الحديث الجميل ..الرسول -صلى الله عليه وسلم - بيدعونا إن قلوبنا تكون ناصحة .. خالية تماما من أي شيئ يشوبها و أي حاجة تلوثها
نكون صادقين تماما مع ربنا .. وقلوبنا مخلصة ليه مش فيها أي نوع من الشرك .. أو الرياء أو أي حاجة ..تخلي أعمالنا لا يقلبها الله ... وعلى قدما تكون قلوبنا صافيه على قد ما تكون علاقتنا بالله و مكانتنا لديه صافية ..
و نكون قلوبنا تعلقها بالرسول .. ناصحة .. مش عايزة من ورا كده أي حاجة .. بتحب الرسول و نفسها تكون أقرب ليه عشان قلبه الأبيض.. و عشان الرحمة اللي ملياه...
.ممم أصله للأسف ...يعني ممكن ناس تقرب من الرسول و تحب تتكلم بحديثه دايما..... وتعيش مع سيرته ويا الناس.. عشان يبقى ليهم مكانة و موضع يشار إليه بالبنان.. أعاذنا الله و إياكم..
و كمان تكون قلوبنا صافية مع الحكام .. لما نحبهم يبقى من قلبنا لله وحده .. مش عشان مصلحة أو يعني .. واسطة أو منصب ..
و في الآخر تكون قلوبنا مفتوحة للناس تحبهم وتصادقهم و توفي معاهم .. مش يكون من وراها ي حاجة غير رضا ربنا


. في النهاية ... ممكن نحس إنه الحديث بيرمي للنصيحة بمعنى التوجيه للخير و الإرشاد ليه..
وده حقيقي.. لأن من كثر ما الفعل ده قيمته ومكانته عالية وحلوة أوي كان معنى النصحية في اللغة شامل الأول والتاني..



بوركتم

:)

السلام عليكم ورحمة الله وبركاته
أولا آسف جدا جدا جدا جدا ع الغياب ده
ثانيا جزاكم الله خيرا كثيرا أسامة وعاشق
بارك الله فيكم ونفع بكم أمة المصطفى صلى الله عليه وسلم

يلا يا دكاترة :

الحديث الثامن

عَنِ ابْنِ عُمَرَ رَضِيَ اللهُ عَنْهُمَا أَنَّ رَسُوْلَ اللهِ قَالَ: (أُمِرْتُ أَنْ أُقَاتِلَ النَّاسَ حَتَّى يَشْهَدُوا أَنْ لاَ إِلَهَ إِلاَّ اللهُ وَأَنَّ مُحَمَّدَاً رَسُوْلُ اللهِ وَيُقِيْمُوْا الصَّلاةَ وَيُؤْتُوا الزَّكَاةَ فَإِذَا فَعَلُوا ذَلِكَ عَصَمُوا مِنِّي دِمَاءهَمْ وَأَمْوَالَهُمْ إِلاَّ بِحَقِّ الإِسْلامِ وَحِسَابُهُمْ عَلَى اللهِ تَعَالَى) [77]رواه البخاري ومسلم


أترك التعليق للدكاترة الكرام ....

يوضح الحديث ان السبيل الوحيد للمشركين للنجاة من القتال هو الشهادتين فان شهدوا ان لا اله الا الله وان محمد رسول الله اوجب عليهم الرسول بقية شروط الاسلام وهو ايقام الصلاة وايتاء الزكاة

السلام عليكم ورحمة الله وبركاته

د / نوران : بارك الله فيكم وجزاكم الله خيرا كثيرا يا فندم لتفاعلكم .... ثقل الله ميزان حسناتكم


بالنسبة للحديث ......

الحديث ببساطة يا دكاترة بيوضح وجوب مقاتلة الناس حتى
- يشهدوا أن لا اله إلا الله ، وأن سيدنا محمد رسول الله
- يقيموا الصلاة
- يؤتوا الزكاة

لو الناس عملت كدا يبقى قتالهم محرم ، ويبقوا عصموا وحفظوا أموالهم ودماءهم ....

ويكون حسابهم على المولى عز وجل الذى يعلم الباطن
لأن اللى يعمل كدا جايز يكون فعلا مؤمن من قلبه
وجايز يكون ظاهره مؤمن وباطنه غير ذلك

فحكمنا احنا من الظاهر ، لو بان الاسلام
يبقى عصموا دماءهم وأموالهم وحرم علينا قتالهم
وحسابهم على الله عز وجل .....


أى اضافة يا دكاترة ؟؟؟؟؟

الله يا أس أس
كلام رااااااااااااااااائع
أكرمك الله وبارك فيك وجزاك خيرا كثيرا

السلام عليكم ورحمة الله وبركاته
ازيكوا يا دكاترة ؟
يارب تكونوا بخير وعلى أحسن حال

يلا :

الحديث التاسع

عَنْ أَبِي هُرَيْرَةَ عَبْدِ الرَّحْمَنِ بْنِ صَخْرٍ رَضِيَ الله تَعَالَى عَنْهُ قَالَ: سَمِعْتُ رَسُوْلَ اللهِ صلى الله عليه وسلم يَقُوْلُ: (مَا نَهَيْتُكُمْ عَنْهُ فَاجْتَنِبُوهُ وَمَا أَمَرْتُكُمْ بِهِ فأْتُوا مِنْهُ مَا اسْتَطَعْتُمْ؛ فَإِنَّمَا أَهْلَكَ الَّذِيْنَ مِنْ قَبْلِكُمْ كَثْرَةُ مَسَائِلِهِمْ وَاخْتِلافُهُمْ عَلَى أَنْبِيَائِهِمْ) [84]رواه البخاري ومسلم


أترك التعليق للدكاترة الكرام .....