كليتي..بحبك..

موضوع: كليتي..بحبك.. الأحد سبتمبر 06, 2009 7:35 am

- كليتي .. كلية الصيدلة..بحبك..بس..زعلان زعلان منك شوية.. مم لأ.. أكثر حبة كده
- ليه بس؟ ..قولي عالي مزعلك ..قلقتني خالص
- أنا في الأول كنت حاسس إنه بعني هلاق يبقى ..صيدلة بجد وأدوية.. وأحس
إنه في جديد بتعلمة كل يوم بس ..مش لقيت غير حاجات إما متكررة أو مغقدة
بدون فايدة أو خلاص.. قدمت خالص ! وبقى فيه جديد ممكن أستغنى بيه عنها
- ممممم ...و إبه كمان؟
- كمان بس .يا ريت ماتزعليش؟
- لأ.. مش هازعل قول بس
- مممم ..كنت حاسس في الأول كده إنه هاكون مستمتع بالدراسة كده .. السكاشن
لبها طعم والمحاضرات ..يااااه ..هتكون مفيدة وجذابة ..بس..لقيت غير اللي
اتنمبته و كنت بتعشمه منك..
- فيه كمان مزعلاك؟
لأ.. كفاية كده-
- هههههه ..ماشي. ممكن أقول حاجة؟
- طبعا اتفضلي
- أولا ..معلش ..أنا متأكده إن ده مش حلو .. وإحساس قاسي لما بتلاقي الحاجات اللي كنت بتحب و تتمنى تلاقيها .. مش لاقيها..
بس مش تزعل مني أنا ..أنا مش ليا ذنب والله ..دي مشكلة ..الناس..اللي انت و الطلبة بتتعامل معاهم..
أنا بالعكس أتنمى إنك تحب وجودك معايا و متحس إي إحساس سيء بسببي

- :) أنا آسف لو كنت اتكلمت معاكي باسلوب مش حلو خالص .. معلش

- أنا كمان نفسي تكبرني .. وتخلني حلوة في عيون الطلبة زمايلك ..و لو حد مضايق هون عليه وخليك معاه وخفف عنه.

- حاضر أوعدك بالتانية...بس إني يعني أكبرك..تقصدي بالأبحاث و انه يعني اتعين و أكون دكتور و كده..
- ..ممكن .. و لو مش عايز تبقى في المكان ده..ممكن تعمل كده وانت طاب
- ! ممم إزاي؟
- مش ببقولك تعمل أبحاث و كده .. لكن مكن تقرأ معلومات عامة بسيطة في الطب
و الصيدلة عشانك إنت وعشان حياتك العملية بعدين ..إنت هتحتك بالمرضى و
تكون أمين على حباة ناس..
- عندك حق
- ويا ريت لو مثلا ..تخلي برده .أصحابك و كده يشاركوك و تعملوا كده...

- حاضر.. هحاول إن شاء الله

- أكرمك الله و وفقك لكل ما تحب و تتنمى تجيب أعلى التفديرات و ماتحسش بأي ضيق..أو زعل .أنت و كل أصحابك.. و زملائك

- ! يا رب ... بس إنتي بتدعي؟ -

- اه مش الرسول "...حتى النملة في جحرها و الحوت في بطن البحر يصلون على معلم الناس الخير"

- :) شكرا يا ريت ما تكونيش زعلانة مني..

- لا أبدا ..مش زعلانة

- بحبك

- وأنا كمان..

أتمنى إنها تكون عجبتكم و بعتذر إني طولت ..بس لو كنت بحب الكلية حبة
فانا باحبكم أكثر من نفسي
:)

أحبكم في الله

في أمان الله

أنا شكيت فيك على فكرة لما قريت عنوان الموضوع
ههههههههههههههههههههههههههههههههههههههه
موضوع رائع يا حبى كالعادة متميز
أحبك الذى أحببتنى فيه

جميلة الفكرة..
شكرا

شكرا على مروركم الكريم ..بوركتم