عصفور حيران..

كان يا مكان

كان في عصفور حيران

بيشوف الدنيا بغين فنان

ويحسها بشعور انسان

اتزرع في قلبه الدفا والحنان

اتحفر جواه حروف ف ر ح ا ن

كان بيغني صوته يملى كل مكان

حتى القمر كان معاه سهرانبيقولوا غني كمان وكمان

عمال بيرفرف على الاغصان

حلمه يكون وطنه شجرة في بستان

ويضمه عش يحس فيه انه وصل لبر الامان

بس لما فاق من الاحلام

لقى نفسه اسير الاحزان

خلاص اتطفى نور الفرح في عينيه

اتمسحت من قلبه كلمة فرحان

بقى مش شايف غير ضلمة في كل مكان

ما خلاص القمر نام بعد ما كان ليالي سهران

ونزلت على خده دمعة كانت مخنوقة في عنيه بقالها زمان

قالتله اوعى تستسلم للاحزان

قالها انا حييييييييران

وخايف احارب احزاني تغلبني وارجع في الاخر خسران

وده حال كل انسان الحزن دخل قلبه واحتل فيه مكان!!!!!!!!!!!

منقوول

عندك حق :(
بس فيه أمل ان شاء الله ..
حتى الحزن بيقوى الانسان ويخليه أقدر على المواجهة ..
بس فى حالة واحدة بس .. انه ميستسلمش ليه وميسيبهوش يسيطر على حياته .. :)
تسلم ايدك يا نوران

كلمات فعلاً قريبة و صادقة ..
بارك الله فيكم ..
شكراً جزيلاً