ممكن أقول حاجة من غير زعل D:

أنا مسجل من زمان زي مهو باين لحضراتكوا

بس للاسف نسيت المنتدي خالص ولسه فاكره من حوالي 10 ايام

لسبب ما لولاه مكنتش هفتكره

بس اكتشفت ان عدد الاعضاء قليل جدا

والمشاركات اقل

لدرجه ان المنتدي يمكن فيه 2 او 4

والباقي مبيخشش مع ان في مواضيع مميزة جدا والله

بدخل عشان اقراها وبحس ان مجهود الناس بيضيع هباء

لان الاشياء المميزة دي محدش بيشوفها ولا يقراها

تفتكروا ايه الحل ؟؟؟؟؟؟؟؟؟!!!!!!!!!!

ياريت نفكر مع بعض :\\

واكتشفت حاجة كمان وانا بحط الموضوع

ان في كذا اموشن كل ماختار حاجة منهم

يدوا نفس الاموشن اللي فوق ده

المهم خلينا في موضوعنا

انا شايف ان في منتديات فيها اعضاء ومفهاش مواضيع

تستحق انها تتقرا -بمعني ادق محدش بيحط مواضيع-

وفي منتديات مفهاش اعضاء وفيها مواضيع والله ممتازة

ياريت اسمع اصدي اقرا ارائكوووووووووا

سلام عليكوا

سما كتب:

كل حاجة فى بدايتها بتكون صغيرة ..
لكن لو صبرنا عليها باذن الله هتكبر وهتبقى جميلة
لكن لو فى حلول عملية .. يا ريت .. أنا شخصياً أتمنى
جزاكم الله خيراً كثيراً على طرح الموضوع يا دكتور

جزاكم مثله

اتمني اول حاجة محدش يزعل مني -انا بقيت اخاف اتكلم -

المهم انا والله والله والله بحترم كل الموجودين وبقدرهم

فعلا كل شيء صغير في بدايته بس مفيش زرعة بتكبر من غير مرويها

ولا اعتني بيها ومفيش مشروع بينجح من غير دراسة

طبعا عارف ان كلامي بيزعل -ناس كتير بتقول اني مستفز بس والله انا مش قاصد حاجة-

مش هحلف تاني عشان شكلكوا صدقتوا والحمد لله اني بتكلم لمجرد

ان عايز افيد والله مش اكتر

طيب هعرض ارائي علي طوووول قبل متتخنقوا مني


-اول شيء دعاية للمنتدي ده يعني اي حد عند ناس ع الاميل يبعت لهم

لينك المنتدي لو ليك اصحاب قلهم يدخلوا ويشاركوا وكده

-تاني مشكله المنتدي لايوجد فيه مايدل انه خاص بكليتنا

عارف ان في قسم لصيدله بس فين اقسام الدفعات مثلا

-في صيدلة الناس بتدخل المنتدي عشان تشوف محاضرات وسكاشن وكده

عشان كده المنتدي للاسف هيواجه مشكله كبيرة

-حاجة كمان اكيد هيحصل فتور لان مفيش تفاعل ربما تخلي المنتدي ....

-هلخص المشكله كلها -برده زي مانتوا موعدتونيش- من غير زعل

المنتدي ده مش منتدي هو قسم

اقصد انه اتعمل كبديل ل صيدلاوي بيفضفض

يعني هو كقوام منتدي بس في الحقيقة قسم

ياريت اكون قدرت اوصل فكرتي ووجه نظري

وربنا يعلم اني مش قصدي ازعل حد

اقتباس :

اتمني اول حاجة محدش يزعل مني -انا بقيت اخاف اتكلم -

المهم انا والله والله والله بحترم كل الموجودين وبقدرهم

ده كلام ميزعلش يا دكتور
بالعكس .. بارك الله فيكم

فعلا كل شيء صغير في بدايته بس مفيش زرعة بتكبر من غير مرويها

ولا اعتني بيها ومفيش مشروع بينجح من غير دراسة

فعلا .. مع حضرتك حق

:)
أكرمكم الله ..
بالعكس والله .. مش عايز أقولك يعني فرحتي أد إيه بموضوعك ده ..


أكرمك الله .. . :)

مم أنا أكيد معاك في مدى قيمة الموضوعات اللي بيحطوها الأعضاء الكرام .. جعلها نورا و كنوزا في ميزان حسانتهم ..

لكن .بصراحة برده .. مم أظن من وجهة نظري إنه بس المنتدى مش على درجة عالية من الإمكانيات - عذرا طبعا دي المشكلة بالنسبة ليا -
:) .. مم أظن إن شاء الله في فترة قريبة هيكون حاجة تانية خالص.. يعني ربنا يقدم اللي فيه الخير..

و ده طبعا مهما كان شكله او مظهرة .. لن يساوي شيئا في قيمة ما كتب و يكتب به ..

:) أكرمكم الله .. وأتمنى لو فيه وجهات نظر تانية .. تقال ..

شكرا مرة تانية ..

انا شخصيا مقتنع بان المنتدى لسه فى اوله ومع الوقت هيبقى اشهر والمشتركين هيزيدو

بس على فكره الناس الموجوده رغم انهم قليلين ....انما بصراحه على درجه عاليه من الالتزام والخلق

وده مش موجود فى منتديات تانيه

اما عن الحلول ....فانا شايف ان الاقسام عايزه اعاده تسميه والدليل ان فيه كذا قسم مش بيتضاف فيهم مواضيع وده من ساعة ماانا سجلت
وعلى الجانب الاخر المواضيع الجديده تقريبا كلها بتنزل فى 4او 5 اقسام بس
:) بوركتم جميعا

The Brave HearT كتب:

طيب هعرض ارائي علي طوووول قبل متتخنقوا مني


-اول شيء دعاية للمنتدي ده يعني اي حد عند ناس ع الاميل يبعت لهم

لينك المنتدي لو ليك اصحاب قلهم يدخلوا ويشاركوا وكده

-تاني مشكله المنتدي لايوجد فيه مايدل انه خاص بكليتنا

عارف ان في قسم لصيدله بس فين اقسام الدفعات مثلا

-في صيدلة الناس بتدخل المنتدي عشان تشوف محاضرات وسكاشن وكده

عشان كده المنتدي للاسف هيواجه مشكله كبيرة

-حاجة كمان اكيد هيحصل فتور لان مفيش تفاعل ربما تخلي المنتدي ....

-هلخص المشكله كلها -برده زي مانتوا موعدتونيش- من غير زعل

المنتدي ده مش منتدي هو قسم

اقصد انه اتعمل كبديل ل صيدلاوي بيفضفض

يعني هو كقوام منتدي بس في الحقيقة قسم

ياريت اكون قدرت اوصل فكرتي ووجه نظري

وربنا يعلم اني مش قصدي ازعل حد

:)

مم أكرمك الله ..نقاط مهمة فعلاً.. وإن شاء الله -من ناحيتي - هحاول أخليها قدامي دايما بحيث يبقى مع بعض منتدى أفضل و أجمل.... أكرمكم الله ، شكرا مرة أخرى ..

ان شاء الله بالروح دي هتحققوا شيء كويس

ربنا يكرمكوا يارب وتشوفوا ثمرة المنتدي

في الدنيا وفي الآخررررررررة

شكرا ياد.أسامة علي سعة صدرك

بالتوفيق ان شاء الله