نصائح عامة للمذاكرة...

مم .. أكيد لكل منا طريقته الخاصة في المذاكرة . و لاشك هناك ما يميز أسلوبه في إستخلاص و تخزين المعلومات في خلال سطورالأوراق..

مم لكن - برأيي - هناك أشياء مشتركة .. قد تكون مفيدة للجميع ..

فمن خلال هذا الموضوع .. فكرة أتمنى ان تعجبكم ..
إنه كل منا يطرح بعضا من هذه الأشياء من استفادته من مذاكرته بشكل عام..

أتمنى مشاركاتكم

افادكم الله يا دكتور اسامه
................
بما انى تقريبا اكبر الناس المشتركين عمرا....بكالوريوس السنادى ان شاء الله ....وتقديرى متواضع (جج)

هاقول على الطريقه اللى انا ماشى بيها من اول سنه
بص يا عم اسامه....اول تيرم فى اعدادى كنت باحضر محاضرات وملتزم وباذاكر اول باول كمان.....التيرم التانى بقه ماحضرتش ولا محاضره وجبت نفس التقدير
....ومن ساعتها لحد ناو ما بادخلش المدرج والله بس ....العمليه دى عايزه جراه لان طبعا بتعتمد على نفسك تماما فى المذاكره وبتفتح الماده بنفسك من غير اى مساعده....على فكره دى بتعطى ثقه فى النفس كبيره جدا
وبالذات لما بتلاقى ان ناس كتيره بيحضرو محاضرات وبياخدو كورسات كمان ومش مرتاحين وكمان باجيب نفس تقديرهم ويمكن احسن وبمجهود اقل....ده طبعا بتوفيق ربنا لا ن المذاكره الصح بتريح
انا تقريبا بابدا مذاكرة النظرى قبل امتحانات العملى بحوالى اسبوعين ....بس الايام اللى بين امتحانات العملى والنظرى دى مش باضيع ولا يوم منها ....وكمان الايام اللى بين امتحانات النظرى وبعضها
مذاكرة يوم بيومه انا شايف انها مش تمام ....ده لان الواحد بينسى اللى ذاكره فى المره اللى فاتت فى الوقت اللى بيكون فيه محتاج يفتكر اللى فات...انما لو ذاكرت برانش كبير على بعضه من الماده ده بيكون افضل على مجال الربط بين المعلومات وبعضها

يا دكاتره دى طريقتى باختصار واكيد عندكو طرق افضل

مستنى اراءكم

أكرمك الله .. :) :) ..
شكرا جزيلاً...
:)

شكراً د/أسامه على طرح الفكرة ..
وشكراً د/حسبى ربى على المعلومات القيمة ..
عن نفسى .. رأيى انه أهم حاجة انه الواحد يزاكر وهو مرتاح نفسياً .. ميتأثرش بكلام الناس أبدا مهما قالوا (بقدر الامكان طبعاً) ..ا
أنا مثلا طول عمرى مش بعرف أخلص مزاكرة بسرعة .. لكن على أد ما أقدر بحاول أدى للحاجة حقها فبتاخد وقتها .. مش معنى كدة انها مش بتتنسى تانى .. لا طبعا بتتنسى بس بتبقى أسهل فى انى استرجعها الى حد ما ..
أفضل حاجة كمان انه الواحد يزاكر فى وقت يكون هادى وحاسس فيه انه هيقدر يركز ويجمع ..
ساعات ممكن أنزل ازاكر فى المطبخ .. ايه المشكلة .. أى مكان الواحد يركز فيه يتوكل على الله يعنى .. والتغيير مطلوب عشان الملل ..
أنا أعتقد انى الى حد ما أتفق مع د/حسبى ربى فى فكرة انه لما نجمع جزء على بعضه بيكون أفضل بس مش شرط نخليه لفترة الامتحانات ..
بس كل حد وليه طريقته الخاصة طبعا .. حتى القواعد العامة اللى ممكن علماء النفس يحطوها عن أفضل الطرق للتحصيل .. ساعات مش بحس انها مجدية بالنسبالى .. على عكس الناس فى مواقف كتير ..
موضوع فعلا قيم جداً ..
بوركتم وجزيتم كل خير

كلام جميل.....اشكركم

:)

أكرمكم الله . :)

مم ..بالنسبة لي.. أفضل أن يكون الوقت الذي تذاكر فيه .. يكن بقدر الإمكان لديك الرغبة في ذلك .. و يفض أيضاً. أن تكون الأجواء المحيطه بك حلوة و يكون مزاجك في حالة جيدة .. يفضل أن تتعامل مع نفسك بهدوء.. و أن تكون في حالة تهيئك لأن تحب المعلومة أو تستمتع بها على الأقل.. فالعقل يحب ما أن يذكر ما كان فيه حب أو مشاعر طيبة أو أشياء جميلة.
هذا بشكل عام .. ممكن أيضا أن تختار أوقاتا و مواد تكون مفضلة لديك وقتها .. كما أنه من الجميل أن تجد أحد قريب منك تساعدون و تشجعون بعض على المذاكرة.

و في النهاية .. حاول أن لا تقلق .. و ثق أن القدر يحمل لك الخير دائما . طالما دمت في قرب من الله و حب للإيمان به
فمهما كان القدر حلوا أو مرا فهو خير.. فقط أفعل ما تراه مناسبا و توكل على الله

:) . في أمان الله

بالنسبة لي انا برضه بحب اذاكر في وقت اكون فيه هادية ومش مرهقة
وما بذاكرش جزء كبير مرة واحدة ممكن اذاكر صفحتين اوثلاثة وبعدها بشوية اذاكر تاني ولازم اراجع الجزء اللي قبله قبل ما اذاكر الجزء الجديد وحضور المحاضرات بالنسبة لي بيفديني كتير في المذاكرة.
وفقكم الله جميعا.

الدكاتره اراءهم ممتعه على فكره

بالنسبه للدكتوره نوران ....اكيد طبعا لازم يكون فيه
فترات ريست بين المذاكره....ده اكيد....
انما انا قصدى من اننا نذاكر جزء كبير هو اننا ما نضطرش نراجع او نضيع وقت فى اننا نسترجع المعلومات
القديمه علشان طبعا نربط بين الموضوع وبعضه
فانا لما باذاكر جزء كبير 20 ورقه مثلا على بعضه
فى يوم او كذا يوم ....مش فارقه عدد الايام....
المعلومه هتوصلنى كامله الى حد كبير ومش هاحتاج استرجع مامضى

حبيت فقط اوضح رايى كامل ....ولكل منا طريقته
....المهم اننا نكون بنذاكر وعارفين مصلحتنا فين
واكيد اللى عنده حلم....بالصبر والسعى بيحققه

» نصائح للتغذية في الصيف
» نصائح مفيدة للعام الجديد (بالصور) .. D:
» سبعة نصائح للحصول على أسنان جميلة
» نصائح بتناول وجبات غذائية غنية بالكالسيوم
» 9 نصائح لتجنب الاصابة بامراض البرد في الخريف