بنات اليوم....

موضوع: بنات اليوم.... الأحد نوفمبر 15, 2009 8:52 pm

مين اللى واقفه هناك ع البعد مين هيه

خير وللا ايه يارب دعكت ف عينيه

واعوذ بالله منك انسيّه.؟؟؟.....جنيّه؟؟؟

قربت فاتح عيونى وعرفت مين ديه

دى حفيدة المصطفى كانت زمان هيه

بنت الايمان والتقى بالطهر مكسيه

قوليلى ايه اللى حصل قالت بنديّه

ألحق بركب التطور لأبقى منسيه

قالولنا ياللا تحرر فتحت انا عينيه

(1)

اقمار وفضائيات تنقل بحريه

عالم جديد وحياه كانت متداريه

دلوقتى طرف صباع يقلب لك الدنيا

بنات من سنها او اكبر شويه

ع الموضه يتكلموا دلع وحنيه

بأنوثتك عبرى

بجمالك اتغندرى

ولعلعى هتشعرى

بسعاده ابديه

ولو انت متحجبه وماله ياعينيه

عاملين لك الازياء بفنون طرزيه

وطرّح الواناتها جذابه مغريه

فقد الحجاب معناه شويه بشويه

سحبوا البساط تحتها وقفت على الميه

دلوقتى فين ياترى خطوتها اللى جايه؟؟

(2)

دى معاهد التجميل مفتوحه يا صبيه

على كل لون ياجميل تتغير البنيه

(3)

دلوقتى ملكات جمال فى مسابقه سنويه

تتهافت الجميلات على عرش وهميه

واستر يارب البنات داخله أهى الخيّه

تخلع براقع الحيا وتنقط الغاويه

والجايزه تاج أبليس وصعود للهاويه !!!

فى السينما تكون نجمات اغراء وجاذبيه

عصر رقيق ابيض ورجوع لجاهليه

(5)

نسيتى الزهراء وعيشه وصفيه

واصبحت قدوتك مارلين وصوفيّا

يا زين ماهتقدمى للنهضه اللى جايه

لا حول ولا قوة الا بالله
لكن كلمات بسيطة ومعبرة وجميلة ..
بارك الله فيكِ حبيبتى
ربنا يهدى بنات وشباب المسلمين ..

الكلمات جميله فعلا

جزاكم الله خيرا

بس اناعندى سؤال هو مين اللى كاتب الشعر ده؟؟؟؟

هو منقووول من منتدى اخر .. بس مش عارفة مين اللي كاتبه بس شكل العضوة نفسها هي اللي مالفاه.
شكرااا لمروركم الكريم.

» بنات وبس :)
» اليوم عيد .....!
» حديث اليوم
» اليوم .. هو أول أيام ذي الحجة..