واحد دخل لى قريب بيقول لى عندك برفان ليالى الحلمية قلت له لا قال لى ولا الهجان ضحكت وقلت له لا معنديش مسلسلات خالص
........................
مرة مريض عاوز ياخد حقنة علشان التهاب في صباع رجله
جيت اديله الحقنة في العضل ..
قاللي : انت حتديهالي هنا ؟!! مش بعيدة شوية يا دكتور؟ !!!
........................
زبون بيصرف روشتة نسا( للمودام يعني)
فيها اوسكال اقراص وجرعتها قرص بعد الغدا
وانا بقول للزبون: الاقراص دي جرعتها قرص بعد الغدا
الزبون:يعني كام مرة في اليوم؟
انا:بقول لحضرتك بعد الغدا
الزبون:ايوة يعني كام مرة؟
انا:هو انتوا بتتغدوا كام مرة في اليوم؟
الزبون: اااااااااه
...........................
فى صيدلية المستشفى من كم يوم كدة جات واحدة تصرف تذكرة وكان فيها تتراسيكلين مرهم جلد بديهولها
قالت لى: لاااا دة للكبار وانا عاوزاها للعيل الصغير
قلتلها: أيوة ما هو دة..
قالت لى: لا دة كبير يبقى للكبار انما المرهم التانى صغير يبقى للأطفال!!! قصدها على (تيراكورتريل)
............................
زبوون ثوغنون يعمله سنتين
جايب نص جنيه وعايز ايه بقي؟
الزبون: عايز ثديلية
انا: ايه؟
الزبون: عايز ثديلية واداني النص جنيه
انا: خد النص جنيه وخلي ماما تكتبلك هي عايزة ايه؟
الولد مصر: عايز ثديلية وموش راضي ياخد مني النص جنيه
انا : طيب يا سيدي موش هازعلك هات النص جنيه وروح قول لماما تكتبلك
رجع بعد شوية ومعاه ولد اكبر منه بشهرين
بس شكله لمض عنه- الولد التاني قاللي:عايز سرنجة
ياسلااااااااااااام
يا سيدي انت فين من زمااان
يا راجل دة صاحبك محمود (الزبون الصغير اصلي اتعرفت علي اسمه) كان مغلبني وعايز ثديلية(اللي هي بالموناسبة صيدلية)
الجمعة نوفمبر 20, 2009 8:19 pm
