ملاحظات بخصوص امتحان عملى التحليليه

بسم الله الرحمن الرحيم

السلام عليكم ورحمة الله وبركاته

الموضوع ده بس عشان الناس اللى ما حضرتش محاضرة شرح التحليليه

الدكتورة قالت شويه ملحوظات
اولا: قالت ان الميكشر اللى هينزل مكون من strong acid+weak acid

احتمالات الميكشر ده حاجه من السته دول:

1-HCL/HAC
2-HCL/propionic
3-HCL/butyric
4-H2SO4/HAC
5-H2SO4/propionic
6-H2SO4/butyric

الاينديكاتورز اللى احنا هنستخدمهم طبعا بيبقى الميثايل اورنج والفينول فيثالين

e.p of M.O هتكافئ ال الحمض القوى

وال e.p of ph.ph هتكافئ الاتنين يعنى الايند بوينت دى هى total

بيبقى كاتب فى الورقه بتاعة الامتحان

1-for m.o reading
ويكتب تحتها الخطوات

2-for ph.ph reading

ويكتب تحتها الخطوات

:::::::::::::::::::::::::::::::::

الشغل بتاع العملى اللى هنشتغله :::

قالت ان كل e.p هنطلعها 3 مرات يعنى هنشتغلها 3 مرات ونجيب المتوسط بتاعهم

والناتج هيبقى هو ده الe.p

بس طبعا الاختلاف ما بينهم يبقى صغير جدا جدااااااااااااااا مش اكتر من 0.5 وحتة 3 مرات دى طبعا عشان نبقى متاكدين ان الايند بوينت بتاعتنا صح

وقالت ان e.p اللى المفروض نطلعها هتتراوح من 3 الى 24

:::::::::::::::::::::::::::::::::

تانى حاجه الكالكوليشن

بنكتب المعادله بتاعة التفاعل عشان نطلع ال a و b

وبعد كده بنجيب الفاكتور عادى و concentration

اه حاجه اخيره ومهمه

لما نطلع ال e.p فى خطوة الميثايل اورانج او الفينول فيثالين ....نكتبها ::

E.P M.O او E.P ph.ph ونحط علامة التكافى والرقم نكتبة فى مربع وقالت لازم فى المربع لو كتبنا حاجه بره المربع مش هتبصلها

وبس كده تقريبا ده كل اللى قالته

ربنا يوفقنا جميعا ان شاء الله

جزاكي الله كل خير

ربنا يكرمك ..
ما انتى بتعرفى تشرحى حلو أهه

جزانا واياكم ان شاء الله

ما تنسوناش من الدعوات

اقتباس :: ما انتى بتعرفى تشرحى حلو أهه

بشرح ايه بس

دا كل ده اقتباس من المحاضرة اللى انا كنت بنام فيها

انتى كنتى صعبانة عليا أصلا
كل ما ابصلك الاقيكى ناااااااايمة
ربنا يكرمك .. عايزة حاجة بعد الدعاء ده

» عملي التحليليه!!!
» أخبار التحليليه اييييييييه؟؟؟
» سؤال بخصوص الشيت
» امتحان الشفوي .. :)