Haipara
::عضو نشيط::
عدد المساهمات : 69
نقاط التميز : 0
تاريخ التسجيل : 12/11/2009
 |  موضوع: كلمت دكتور عمرو فضالى  الجمعة ديسمبر 25, 2009 12:48 pm | |
|
بسم الله الرحمن الرحيم
باعتبار ان انا اللى بدات كلام فى موضوع المذكرة
وانا اللى اكلمت بطريقه وحشه
وبعد كده بدأ الكلام من الناس وجه بعديه كمان كلام المعيدين
يعنى فى النهايه انا السبب..........وانا اللى ظلمت دكتور عمرو
بس بصراحه انا ما حستش بكل ده الا امبارح لما قرات الموضوع اللى معمول فى صيدلاوى
بجد حسيت انى ظلمته جااااامد جدا وكل اللى حصل بسببى
طبعا كان لازم اعتذرله
فققرت انى ابعتله رساله انهارده احكيله فيها كل اللى حصل واعتذرله
بعت الجزء الاول ولسه ببعت التانى
لقيته اتصل
كلمته وقالى انا ما اعرفش ايه اللى اكتب على المنتدى بالظبط لكن الكلام وصلنى ان فى كلام بيتقال ان المذكرة فيها غلطات وكده
قالى انا بس عاوزك تعرفى الغلطه دى كانت بسبب ايه
قالى لو لاحظتى فى بداية كل صفحه فيه انا كاتب اسم كل ليف .....فى كل صفحه ماعدا الصفحه دى
والغلط ان وهو بيعمل الورقه مش عارفه ايه اللى حصل وكان قصده ان الجدول بتاع الهيوسايمس هو بتاع الهيوسايمس وبتاع الداتورة هو بتاع الداتوره
لكن عشان اسامى الليف ما اكتبتش فدى خلت يبقى فيه عمليه تبديل
دا اولا
ثانيا لما اعتذرتله وقولتله ان انا ما كنش قصدى اهاجم اطلاقا ولا كان قصدى ان حضرتك قاصد تنزل الورق بالغلطات اللى فيه
قالى انا طبعا مش قاصد
قولتله واحنا عارفين كده....وانا كلمت حضرتك لانى حاسه ان انا السبب فى كل ده
قالى انا بس هقولك على حاجه .سمعتى كلام المعيد مش عارف وصلك ولا لا
قولتله اه وصلنى
قالى ماشى انا بدرس بقالى 9 سنين والمعيد خريج 2005 يعنى كان حتى يفتكر انو كان بيذاكر من ورقى لانى انا اللى كنت بنزل اياميها بس
يعنى هيكون عارف ان ورقى صح ماهو كان بيذاكر منه
وبعدين لو بيقولوا ان ورقى فيه غلطات امال اللى بيعملوه ده ايه
وطبعا عدلى كل غلطات الدكتورة مروه وكل غلطات دكتور احمد
قالى مثلا رسمة الكريستل شيث لما تيجى ترسمها بالمنظر اللى انتو شايفينه ده ومش عارف رسمتها كده ازاى
لما تيجى تودى الرسمه دى لاى استاذ مش هيعتبرها رسمه اصلا
كمان قالى على حاجه كده فى البريسيكل بتاع حاجه مش فاكرة هى قالت انو كولينكما وهو اصلا مش كولينكما
دكتور عمرو بعت واحده من عنده اسمها سمر ولما قلتلها كده الدكتوره مروه قلتلها اه انا غلطت فى دى ابقوا صلحوها
ام دكتور احمد ام قايل للبنت مش دكتوره مروه قالت انها كولينكما يبقى خلاص اعمليها زى ماهى قالت
طب اذا كان الدكتورة بذات نفسها قالت صلحوها
وقالى برده على الشيزوليسوجينس والشيزوجينس
كمان لما جيت اعتذرتله قالى لو الكلام منك انتى بس او من الناس بس ما كنتش هتفرق ..
كلامكوا على عينى وراسى
لكن ان المعيد يكلم........انا عارف ماشى ان الدروس وحشه وبتاع لكن انت كنت بتذاكر من ورقى فى يوم من الايام يعنى
وقالى انا اليومين اللى فاتو فعلا ادايئت جدا وقلت خلاص طالما انتو اعدين تقولوا الورق ومش الورق فانا مش هتعب حد والورق يبقى لبتوع الكورس بس
وطبعا اعتذرتله تانى وخلص الكلام انو الحمد لله مش مدائ مننا لكن اللى فهمته ان كلام المعيد هو اللى مدايئه
وتقبل الموضوع الحمد لله
انا قلت الكلام ده ليه بئه
انا مكنتش ناويه اقوله خالص ولا اجيب سيرته ولا اكلم فى الموضوع
لكن واحده صاحبتى قالتلى طالما قالك كل ده يبقى اكيد عاوزك توصليه للناس
وانا بوصل اللى قالهولى
وانا بصراحه ما يهمنيش اى كلام ممكن تقولوه فى حقى ولا يهمنى انكو تعرفوا المكالمه اصلا
انا كان كل اللى هاممنى ان كلامى يوصله واعتذارى يوصله هو شخصيا لانو هو الشخص اللى انا ظلمته والحمد لله اعتذارى وصله
وان شاء الله دا اخر تعليق ليا فى الموضوع ده
ودمتم فى امان الله
| |
|
سما
::عضو ماسي::
عدد المساهمات : 1377
نقاط التميز : 219
تاريخ التسجيل : 06/08/2009
العمر : 32
| |
Haipara
::عضو نشيط::
عدد المساهمات : 69
نقاط التميز : 0
تاريخ التسجيل : 12/11/2009
| | موضوع: رد: كلمت دكتور عمرو فضالى الجمعة ديسمبر 25, 2009 1:09 pm | |
| - اقتباس :
- ارتاحى بقى الله يكرمك .. يا رب نفسيتك تكون تمام دلوقتى وتكونى اقتنعتى بنفسك انه مش زعلان
الحمد لله انا فطرت على فكرة ردك ريحنى على فكرة جزاكم الله خيرا | |
|
