عدد المساهمات : 1611 نقاط التميز : 87 تاريخ التسجيل : 04/08/2009 العمر : 34
موضوع: الكيماء العضوية ..شوية من بعيد .. :d الثلاثاء ديسمبر 29, 2009 9:45 am
بسم الله الرحمن الرحيم .. السلام عليكم و رحمة الله و بركاته .. : ) حبيت فقط أضيف لحضراتكم بعض المعلومات اللي جت في بالي و أنا بفكر في الكيمياء العضوية . وبحاول أسترجع ما فيها و أبص لعلاقتها بالفرق اللي جاية و المواد اللي فيها يعني على مدار الكلية .. لو تسمحو لي يعني ؟ .. :d : )
.. هو بداية أول ما بدأ الإنسان يهتم بالكيمياء - الموضوع من بعيـــــــد ههههه :D هههه - أول ما بدأ يهتم بالكيمياء و لغاية دلوقتي .. وجد إنه الكيمياء علم كبير .. وبيتعرض لكل المواد الموجودة حوالينا و تفعالاتها و تركيبها و طريقتها و هكذا .. و بالتالي للتبسيط و للتخصص .. إتقسمت الكيمياء طبقاً للمواد اللي بنتعامل معاها .. لكيمياء غير عضوية و كيمياء عضوية .. الكيماء الغير عضوية .. بتتعامل مع العناصر الأولية المفردة في الطبيعة من حوالينا .. الصوديوم و الحديد و الماغنسيوم .. و الأكسيجين و الأشياء لابشيطة المكونة منها .. المية و الملح و الأحماض البسيطة التركيب الكبريتيك و الهيدروكلوريك .. و هكذا .. .. أما الكيمياء العضوية فهي بدأت تظهر لما بدأ البشر عايزين يتعرضوا للأشياء التانية و يعرفو تركيبها .. الأشياء الموجودة في جسم الإنسان و الحيوان .. و المواد الغذائية و الأدوية .. و غيرها من المركبات المعقدة غير البسيطة .. و ممكن نقول إنها عضوية يعني من الأعضاء .. طيبعية مش مصنعة أو مستخرجة .. و دلوقتي بدأوا يصنفوها بقدر الإمكان بشيء من الدقة .. مثلاً الكيمياء العضوية خاصة بدراسة المركبات المحتوية على الهيدروجين و الكربون و ... هكذا..
.. طب ليه إحنا بندرس الكيمياء العضوية .. بشكل منطقي و بغض النظر عن طريقة الدراسة و بغض النظر عن أسلوبها .. لكن في الأساس إحنا بندرس الكيمياء العضوية كصيادلة .. لأنها بتتعرض للمركبات اللي إحنا عايزينها .. و بنتكلم في التعامل معها و أخذ الخبرة فيها .. و هي الأدوية .. كمان مكونات جسم الإنسان المختلفة من أنواع و ألوان المركبات .. و كانت دراستها في كليتنا بالشكل التالي ... : في إعدادي و أولى و تانية بناخذ كيمياء عضوية .. أساسية .. و في تالتة بناخذ بايو .. Biochemistry .. و في ثالثة و رابعة بناخذ كيمياء طبية ..
.. أنا طولت أنا عارف ^^ .. لكن أوشكت على الإنتهاء.. . . : ) .. مم في الكيمياء العضوية الأساسية بناخذ فكرة عامة عن المركبات العضوية بشكل عام .. و عن تفاعلاتها .. و طريقة التفاعلات دي .. و بتعرف أكثر على الخصائص العامة .. ليها ..عشان ده هيفيدنا في المواد اللي في تالتة و رابعة .. في تالتة و رابعة .. بنبتدي نقرب للمواد بعينها اللي إحنا محتاجينها في الصيدلة و نطبق عليها اللي إحنا درسناه من الأساسيات .. و ده بيكون في الكيمياء الحيوية .. و اللي بتناقش المواد الطبيعية الموجودة دون تصنيع أو تدخل .. أما الكيمياء الطبية .. فهي بتناقش المواد المصنعة .. و فيها أو عن طريق بيكون تصنيع أو إختراع دوا جديد .. أا عن طريق العقاقير و الكيمياء الحيوية .. و ممكن الفارما .. بيكون إكتشاف دوا جديد .. هو موجود في الطبيعة و الإنسان بيبحث و يكتشفه ..
هكذا كانت الكيمياء العضوية .. هههه ..
تعليقاً بقى و اللي عايز يقول يقول ^^ .. إن في كليتنا الحاجات اللطيفة اللي إحنا اتكلمنا عنها من شوية .. أظن إن ممكن يختصر وقت و مجهود .. أكتر بفارق كبير .. من اللي إحنا بنذله حاليا لدراسة المواد دي .. .. و ده هيدي فرصة أكبر للطلاب إنهم يحبوا المواد و لو أرادوا إنهم يكملوا فيها بعد التخرج و يعملوا أبحاث و لو بسيطة .. هيكون ده شيء محبب و سهل عليهم .. والنتيجة بالتالي هتكون أكبر و أقيم .. ..ففي الدول الأوروبية براءات الإختراع بتكون كتيرة .. بهذا الشكل .. سهولة التعلم .. و وضوح برامج التعليم .. و إعطاء الطالب حقة و فرصته فإنه يكتسب ما يريد من المعلومات و يزداد من الخبرات اللي عايزها .. و لو جينا نشوف الفارق هنلاقيه كبير ... خالص ، حقيقة أنا حتى قرأت إن إسرائيل عدد براءات الإختراع فيها تعدل مجموع الموجود في الدول العربية مجتمعة !!..
... أتمنى إن يكون أنا قلت حاجة لها قيمة :D
و ممكن إن شاء الله بعد كده لو فيه معلومة ججت في بالي .. أقدر أجمعها مع غيرها .. حوالين إزاي نذاكرها .. و نستفيد من الوقت و المجهود بأكبر قدر ممكن .. ولو حد حابب يضيف أي حاجة .. يتفضل هيكون ليه كل الثواب إن شاء الله .. : ) جزيتم كل خير .. و في امن الله :)