.. هذه كلمات أو قصيدة ألفها "خالي" ..
أحببت لو تقبلوها هنا ..
ها هي ..
تعبت انا من يومي
,,,,ومن يومي انا تعبان ,,,,,
تعبت وكل احلامي اكون انسان ,,,,
سيبوني ريحو بالكم,,,,,
انامن همي شايلكم ,,,
وحافظ كل اسمائكم,,,,,
وعارف كل عناوينكم
وأحلامي على بابكم ,,بتتكسر ,,,,
سيبوني احلم ومش أكتر,,,,
وأحلامي علي الدفتر,,,,
ازازو زيت ..رغيف أسمر ,,
كباية شاي وكيلو سكر ,,,,,
ولحمة راس ومراية ,,,
, وكراسة وبراية ,,,,
لطفل لسه بيدور على بكرة ,,,,
وبيشمر دراع اسمر ,,,,,
ويحلف ليا ولأمه ,,,,,
خلاص بكره أنا حكبر ,,,,
وحقق كل أحلامكو ,,
حجيب ليكم رغيف اٍسمر,,,,
وازازة زيت وكيلو سكر ,,,,,
وتأنا من همي بكركر ,,,,
وأقول يا واد بلاش تحلم,,,
لأن الحلم معناه بإنك لسه بتفكر ,,,,
وف بلدنا اللي بيفكر,,,,
تلاقي وراه طابور عسكر ,,,,,
وكام مخبر,,,,
فسيبك يابني من بكره,,
بلاش تحلم لتتقنطر
وبرموك يابني في مطرح ,,,,
لافيه شباك ولا منور ,,,,
تلاقي القهر يدخلك ,,,,,
ييبس عودك الآخضر ,,,,
وحيضبع يابني من عمرك ,,,,, في سين و جيم وكام محضر ,,,,
ويمكن يكتبوا اسمك,,
ويمكن يعلنوا عنك,,,
في نشرة موت بتتصور,,,,
شهيد في طابور لعيش اسمر
أتمنى أن تنال إعجابكم .. و عذراً لو كان غلب عليه طاب سياسي ..
في أمان الله
: )